Próximas actividades de difusión
Nos vindeiros meses celebraranse dúas actividades con participación de UXAFORES, un curso sobre educación fronte aos lumes forestais e a Asemblea Xeral de FSC España.
O curso práctico internacional sobre innovación educativa en incendios forestais “Educación para convivir co lume” (Education to live with fire) é unha actividade organizada polo proxecto ERAMUS+ FacingFIRE coordinado pola USC. Participan nel o IES "Lucus Augusti", ademais de centros de Portugal (Universidade de Aveiro, Forestis - Associacao Florestal de Portugal), Grecia (National and Kapodistrian Universidade de Atenas, DEMETER - DEMETER - Organización Agrícola Helénica) e Italia (Universidade Degli Studi Di Firenze, Rexión Toscana). O evento está coordinado polos membros de UXAFORES Pablo Souza e Agustín Merino (coordinador do proxecto Erasmus+) e celebrarase en Santiago de Compostela entre os días 12 a 14 de xullo.
A inscrición comeza en marzo, os interesados en asistir poden responder a unha breve enquisa e atopar máis información sobre o curso no sitio web do proxecto FacingFIRE.
A Asemblea Xeral de Socios de FSC España previsiblemente volverase a celebrar en Lugo no 2023, como xa aconteceu en 2019. Realizarse no mes de xullo e, probablemente, contará con dúas xornadas nas que a primeira estará aberta ao público con información sobre a certificación FSC e participación de UXAFORES. Os interesados poderán atopar máis información ao respecto no sitio web de FSC España e neste mesmo sitio web proximamente.