Uxafores

O Proxecto LIFE EcoTimberCell desenvolveu varios produtos estruturais ETC como trabes e marcos para a construción que poden substituir aos materiais de construción tradicionais como o aceiro e o cemento. Este método desenvolvido por PEMADE reduce as emisións de CO2, mellora a eficiencia enerxética dos edificios e incrementa a demanda de madeira de bosques xestionados dun xeito sostible.

A spin-off TimberSoul by Cándido Hermida difundirá os produtos ETC e promoverá a madeira como unha alternativa ecolóxica para a construción conectando aos profesionais en edificación cos expertos na construción en madeira da industria forestal para mellorar xuntos a sostibilidade.

Este sistema incrementará a demanda de madeira certificada de orixe local, o que repercutirá na xestión sostible dos montes e a creación de traballo no sector.

Máis información 

As Xornadas Científico-Técnicas “Silvicultura e Xestión de piñeirais de piñeiro manso e outros piñeirais mediterráneos” celebrarase na Universidade de Huelva (31 de marzo e 1 de abril) e o Parque Natural de Doñana e piñeirais de Almonte (2 de abril). Nelas, entre outras actividades, presentaranse os resultados do proxecto de Investigación "Os piñeirais andaluces como sumidoiros de carbono: Cuantificación, Modelización e Xestión Forestal dende unha perspectiva histórica (proxecto PinCaR UHU-1266324)” financiado por FEDER e a Junta de Andalucía. Este proxecto está co dirixido pola colaboradora de UXAFORES Dra. Andrea Hevia e conta coa participación de varios investigadores do grupo que tamén participarán nas xornadas.

Estas serán presenciais, se a situación sanitaria así o permite, e estruturadas en relatorios invitados e visitas técnicas guiadas. Requírese inscrición previa posto que o aforo é limitado.

Máis información sobre as xornadas no sitio web do evento.