Defensa da teses de doutoramento sobre incendios forestais de Stéfano Arellano
O 28 de xaneiro procedeuse á defensa, na EPSE de Lugo, da teses titulada “Caracterización do combustible do dosel arbóreo mediante sensores remotos e avaliación do efecto das claras sobre o comportamento e a severidade potenciais do lume en piñeirais do NO de España”.
A tese enmárcase na actividade do grupo de investigación UXAFORES, grupo ao que pertencen tanto Stéfano Arellano Pérez, o seu autor, como un dos seus directores, a Dra. Ana Daría Ruiz González. A tese foi desenvolvida en colaboración co Centro de Investigación Forestal de Lourizán (Pontevedra) a través da co dirección co Dr. José Antonio Vega, quen dirixiu o departamento de protección forestal de dito centro durante moitos anos e no que o xa doutor Stéfano Arellano iniciou a súa actividade investigadora. Dita colaboración, mantida no tempo, deu lugar, entre outros traballos, á publicación en 2017 do libro “Foto-Guía de combustibles forestais de Galicia e comportamento do lume asociado”.
O tribunal de tese estivo presidido pola Dra. María Mercedes Guijarro Guzmán del CIFOR- INIA de Madrid, a Dra. Brigite Roxo Botequim do Instituto Superior de Agronomía da Universidade de Lisboa y o catedrático da USC Dr. Roque Rodríguez Soalleiro.
Nesta tese de doutoramento desenvolvéronse modelos para estimar a carga de combustible dispoñible para a propagación do lume no dosel arbóreo e a forma na que se distribúe entre o ápice e a base das copas, tanto a partir de datos LiDAR como de variables de rodal medidas no campo. Ademais, obtivéronse modelos de estimación de características do combustible forestal de superficie e do dosel arbóreo que afectan á combustibilidade da formación a partir de imaxes do satélite Sentinel-2A. O uso dos modelos baseados en sensores remotos permitirá xerar cartografía do risco potencial de lume de copas baixo diferentes escenarios meteorolóxicos.
Por outra banda, avaliouse o efecto a medio prazo do tratamento selvícola de clara sobre o combustible de superficie, o comportamento e a severidade potenciais do lume, así coma a capacidade dos rodais queimados para protexer o solo fronte a erosión pos-incendio.
Todos estes estudos realizáronse en piñeirais do noroeste de España e os resultados obtidos aportan unha nova información sobre combustibles forestais, conectándoa co comportamento esperado do lume en incendios, sendo de grande utilidade non so na xestión do lume forestal se non na xestión forestal en xeral.
A tese que optaba á mención de teses internacional obtivo a máxima nota.