Actividades de novembro 2021: conferencias
Ciclo de conferencias “Certificación FSC®: xestión forestal, cadea de custodia, proxectos con produtos forestais e servizos do ecosistema”
Durante os días 24 e 25 de novembro na Escola Politécnica Superior de Enxeñaría de Lugo celebrarase un ciclo de conferencias presenciais e on-line sobre a certificación forestal. Nestas, persoal de FSC España e empresas titulares de certificados FSC falarán da situación actual e das perspectivas de mercado.
As conferencias serán traducidas de forma simultánea ao inglés dende o castelá ou galego, e serán grabadas para a súa posterior consulta no canal de YouTube de FSC España.
Están organizadas polo membro de UXAFORES Alberto Rojo e por FSC España, con financiación da Deputación de Lugo e a Vicerreitoría de Coordinación do Campus de Lugo (USC).