Aberto o prazo para presentación de comunicacións “Workshop sobre Teledetección Próxima Terrestre para Aplicacións Forestais”
O prazo para o envío de propostas de comunicacións estará aberto ata o 30 de xuño de 2021.
Xa está aberto o prazo para a presentación de comunicacións ao Workshop sobre Teledetección Próxima Terrestre para Aplicacións Forestais, que terá lugar na Escola Politécnica Superior de Enxeñaría (EPSE) de Lugo da Universidade de Santiago de Compostela os días 1, 2 e 3 de setembro de 2021.
A proposta de comunicacións realizarase mediante o envío dun resumo ao enderezo de correo workshop.teledeteccion.proxima@usc.es para a súa revisión polo Comité Científico. Os interesados empregarán para isto o modelo preparado con esa finalidade, e que se pode descargar en https://www.uxafores.com/gl/workshop-sobre-teledeteccion-proxima-terrestre-para-aplicacions-forestais. As datas límites previstas para a recepción e avaliación das comunicacións son as seguintes:
- 30 xuño 2021 - Data límite para a presentación de comunicacións.
- 7 xullo 2021 - Data límite para a comunicación de aceptación das comunicacións.
As comunicacións poderán ser en formato presentación oral ou póster, e incluiranse nun libro de resumos que estará a disposición dos participantes tras finalizar o “workshop”. Para as comunicacións aceptadas como presentación oral deberase elaborar un resumo gráfico (resolución mínima 300 dpi) que se incluirá, xunto cos pósteres, no libro de resumos. Este resumo gráfico pode incorporarse no apartado habilitado para isto do modelo de presentación de propostas, aínda que non é obrigatorio para a fase de avaliación de resumos. En caso de que non se inclúa inicialmente no modelo e o resumo sexa aceptado como presentación oral, será solicitado a posteriori para a súa incorporación ao libro de resumos.
Descarga do primeiro anuncio do workshop e do modelo para a presentación de comunicacións: https://www.uxafores.com/gl/workshop-sobre-teledeteccion-proxima-terrestre-para-aplicacions-forestais